Logo XacobeoLogo Marca Galicia
Las Bodeguillas de Santiago de Compostela

5 áreas recreativas preto de Santiago para desfrutar do verán

Publicado: 09 de julio de 2024, 11:37
  1. Las Bodeguillas
5 áreas recreativas preto de Santiago para desfrutar do verán

Compostela ofrece numerosas propostas culturais, históricas, gastronómicas e de ocio en cada recuncho da cidade, pero no verán apetécenos máis achegarnos até a praia para acalar as altas temperaturas. Sen embargo, aínda que a costa galega é envexable, non é preciso ir até o litoral para refrescarse. Moi preto da capital galega hai moreas de posibilidades para darse un baño, pasar un día rodeados de natureza e desfrutar da tempada estival.

Areal de Berres, A Estrada

Ás beiras do río Ulla, O Areal de Berres sorprende aos seus visitantes por ser un remanso de calma. Nesta área recreativa destacan os seus motivos e decoración celta, ademais de cadros que recordan a celebracións típicas da zona, como é a Rapa das Bestas. 

Para camiñar, darse un baño ou facer unha comida con amigos, O Areal, acubillado por unha morea de árbores e dun halo de misterio, é o lugar idóneo para os que foxen do calor.

A Praíña, A Estrada

No límite co municipio de Teo e A Estrada atópase unha das áreas recreativas con maior afluencia da zona. Tamén bañada polo río Ulla, a praia fluvial da Praíña, xestionada pola Asociación Entre as Pontes, é unha zona de ocio ideal para ir en familia e con vistas á ponte medieval de Pontevea. Con zona de ocio e baño con sendeiros, bar, aparcamento de autocaravanas e mesmo alquiler de kayaks e paddle surf, a diversión está asegurada.

Área de Recreo de Agronovo, Vedra

Preto da anterior, atópase a Área de Recreo de Agronovo. Está dotada de zona de baño, mesas e bancos, espazos acondicionados para parbacoas e, polas súas inmediacións, transcorre a ruta de sendeirismo de San Xoán da Cova

Campo de Gundián, Vedra

A área recreativa do Campo de Gundián destaca por ser o único terreo ao sur do río Ulla que pertence á provincia da Coruña. Está conformada por unha capela, unha fonte, o palco da música, mesas e bancos e vistas á antiga Ponte de Gundián.

Ademais de desfrutar dun picnic na zona, non deberías perder a oportunidade de achegarte ao Miradoiro de Gundián, cunhas vistas únicas sobre o río das dúas pontes, e lugar no que comeza a ciutada ruta de sendeirismo de San Xoán da Cova.

Playa fluvial de Chaián, Trazo

A menos de vinte minutos do centro de Santiago, no municipio limítrofe de Trazo, atópase un oasis de paz. A área recreativa de Chaián esténdese a ámbolos dous lados do Tambre e conta con moita sombra, zonas de merendeiro, zona de xogos, aparcamento e chiringuito aberto en época estival.

Estas son tan só algunhas propostas para refrescarse ou pasar un día diferente moi preto de Santiago de Compostela, aínda que a natureza galega bríndanos moitas máis opcións.

Noticias relacionadas

Cinco espazos verdes para pasear en Compostela 3 sep

Cinco espazos verdes para pasear en Compostela

03/09/2024 Las Bodeguillas
Compostela é coñecida pola historia da súa zona vella e polo ritmo frenético das súas rúas más novas. Porén, a cidade ofrece moreas de recunchos verdes, tranquilos e perfectos para desfrutar dun agradable paseo mentres fuximos, un chisco, do axetreo diario da capital. Parque da Alameda É un
O primeiro peregrino, o curioso uso do Botafumeiro e a hora do demo: tres lendas de Compostela que quizais non coñecías 8 ago

O primeiro peregrino, o curioso uso do Botafumeiro e a hora do demo: tres lendas de Compostela que quizais non coñecías

08/08/2024 Las Bodeguillas
Santiago de Compostela foi declarada Patrimonio Cultural da Humanidade pola UNESCO no 1985. Esta decisión tomouse ao considerar que á súa beleza urbana e integridade monumental se engadían ecos da súa significación espiritual como santuario apostólico e destino do máis importante movemento
Nas Bodeguillas vestímonos coas cores da Compostela máis diversa 11 jun

Nas Bodeguillas vestímonos coas cores da Compostela máis diversa

11/06/2024 Las Bodeguillas
O día 28 de xuño celébrase o Día Internacional do Orgullo LGTBI e a cidade celebra unha nova edición de Compostela Diversa. Dende a Bodeguilla de Santa Marta e a Bodeguilla de San Lázaro sumámonos á iniciativa para encamiñarnos cara a consecución dos dereitos, visiblidade e normalización da vida do
5 museos en Compostela para desfrutar da cultura, arte e historia 20 may

5 museos en Compostela para desfrutar da cultura, arte e historia

20/05/2024 Las Bodeguillas
Xa temos presumido de Compostela en numerosas ocasións pero, co gallo do Día Internacional dos Museos o pasado 18 de maio, é momento de facelo unha vez máis. Este evento, celebrado dende 1977 e coordinado polo Consello Internacional de Museos, tenta concienciar sobre a importancia destes medios